食過幾次 串燒唔係燒嘅！係炸的！冇皮的炸雞胸肉串 就話燒雞串 好難食，雞翼又係炸嘅豬頸肉又係炸嘅都係比較乾同埋同一隻味 炒粉嗰啲嘢尚算OK，撈檬粉都可以，但整體好似太正宗 下次嚟食撈檬炒粉都還可其他不了

好大碟。D 野好好食 下＇牛油雞翼正。下次会再來

我以往唔止一次用Eatigo平台訂餐，第一次用Eatigo coupon(呢個本身就係我權利)埋單嘅時候餐廳就已經俾咗我一啲coupon，鼓勵我下次用，但幾款coupon提供嘅折扣都明顯唔及Eatigo coupon。之後我都懷疑餐廳唔鍾意我用Eatigo coupon，就索性封鎖咗我嘅Eatigo户口，逼住我如果下次再幫襯呢間野就一定要walk in去食，比使用Eatigo訂餐付出更多餐費。餐廳呢種過(Eatigo)橋抽板嘅生意手法都唔好話唔過份，不如索性咪玩Eatigo，無謂累人累物啦！影響埋Eatigo食客嘅權益！Eatigo可能都算係蠢，甘於俾餐廳用完即棄、一腳伸開，仲單單聲是非不分咁話餐廳封鎖人係餐廳嘅權利(餐廳打死都唔會承認自己係惡意封鎖人㗎啦，唔會授人把柄)…… 我本身對味精敏感，幾次食完呢間餐廳啲野，我都覺得好口乾，懷疑佢都用咗若干味精！

最近我太太同埋我本人先後被呢家餐廳封鎖，唔俾我地再使用Eatigo平台訂餐。呢家餐廳我地以往幫襯過好幾次，每次都堅持我地要提供手機號碼，跟Eatigo平台接受預約嘅其他餐廳只需要訂單號碼完全唔一樣。我地非常之懷疑，餐廳表面上透過Eatigo話滿足唔到我地嘅要求(即係話我地奄尖啦？)，實際上就係想揀客，刻意剝奪某d客人嘅利益同埋選擇權。 根據我地嘅親身體驗，餐廳咁做不外乎以下兩個原因：1) 我地無論點炒金邊粉抑或砂鍋老鼠粉，配料都係偏少，蝦試過只有兩粒，成碟幾乎都係粉。我地向餐廳反映過一次，餐廳先至補番兩粒蝦俾我地。食水太深，淨係識得賴廚師新嚟；2) 餐廳唔鍾意我地用coupon，之前reject過我地用一張50蚊嘅Eatigo coupon(話未見過又未聽過)，而呢張coupon基本上Eatigo平台嘅餐廳都用得，以往一直都冇問題！亦未有發現違反coupon使用條款！之後雖然我地每次都可以用一張25蚊Eatigo coupon，但我地明顯感覺到餐廳係唔鍾意…… 呢家餐廳好明顯嘅作風，就係唔想解決自己嘅問題，只係想解決提出問題嘅客人！