呢間餐廳真係不得了，除咗嘢食靚之外，職員服務態度簡直係6星酒店級🥰特別裡面有位叫「Mike」嘅男職員，餐牌我睇唔明佢可以好細心好熱誠咁向我哋介紹，連我屋企人都話未去過一間餐廳服務可以咁好❤️原本我哋以為啲嘢食都係得個樣，食落就知係做得好有心機（細心配搭）唔係交行貨。後尾睇返原來佢哋早前已經成為民選嘅得獎餐廳，希望佢哋繼續努力，可以保持水準。餐廳其他職員服務態度都好好，最主要係發自內心嘅熱誠服務態度，食飯最緊要消費得嚟又開心，希望多啲人支持本地經濟。